आँखादेखि चिहाइ हेरेँ मन पनि फुकाइ हेरेँ
फूलभन्दा कोमल देखेँ, आफै भन्दा राम्रो देखेँ
मेरी मायालु
हिमालको सेतो सिउँदो बिहानीको सिन्दूरैमा
रंगिएका गाला तिम्रो गोधूलीको लजाइमा
त्यसैत्यसै झोलिएको त्यसैत्यसै मातिएको
बयानको बाहिर पाएं, वैंशालुको उफान देखें
मेरी मायालु.....
तर्सिएको आँखा भित्र चञ्चलताको आभाष पाएँ
खोलिएको ओठ भित्र जिन्दगीको हाँसो पाएँ
आफै भित्र भुलिएको कुन्नि कसलाई आज पाएँ
मैदानको छातिमा त रमाइलो किनार पाएँ
मेरी मायालु.....