Baba Malai - Meena Niraula

बबा ! मलाई मार्नै छ भने
तिमी आफैँ मार
आगोले जलाई बिन्ति नमार
मानिसलाई ज्युन चाहिन्छ आगो
आगोलाई यसरी विटुलो नपार

तिमीले रोपेको फूल नै त हुँ म
तयार छु तिम्रै हातबाट मर्न
पानीमा डुबाई बिन्ति नमार
मानिसलाई ज्युन चाहिन्छ पानी
पानीलाई यसरी विटुलो नपार

मारेपछि मलाई भीरमा नफाल्नू
त्यहाँ मेरो सङ्गी सुनाखरी रुन्छ
मारेपछि मलाई जङ्ल नलानू
कुनै रुख झुटो अभियुक्त हुन्छ

माटोले नपुर्नू बिन्ति छ बाबा
माटोमा छ मेरो आमाको आत्मा
बरु खानू बाबा खून चुसी खानू
तिमी नै त हौ नि मेरो देवता

(छोरी जलाउने बाबाहरूलाई)

Baba ! Malai marnai chha bhane
Timi aaphai mar
Aagole jalai binti namar
Manislai jyuna chahinchha aago
Aagolai yasari witulo napar

Timile ropeko phool nai ta hu ma
Tayar chhu timrai hatbata marna
Paanima dubai binti namar
Manislai jyuna chahinchha paani
Paanilai yasari witulo napar

Marepachhi malai bhirma naphalnu
Tyaha mero sangi sunakhari runchha
Marepachhi malai janla nalanu
Kunai rukh jhuto abhiyukta hunchha

Matole napurnu binti chha baba
Matoma chha mero aamako aatma
Baru khanu baba khuna chusi khanu
Timi nai ta hau ni mero dewata

(chhori jalaune babaharulai)