वैशाखी बनमा, फूलको श्रृङ्गार, पातको क्रन्दन छ,
नआउने भए भनिदेऊ प्रिये, सम्झना साथी छ
हावाको दल सरर उड़ी, सन्देश के ल्यायो
जन्मेथे एक्लै, मरूँला एक्लै, रोइदिने को छ र !
विह्वल माया उजाड़ मुहार तिमीले देखेनौ
न्याहुल आई, धेरैबेर रोयो, तिमीले सुनेनौ
बिलौना मात्र, हृदयमा मेरो, बनफूल नसम्झ
असिना आइ झरेको फूल यहाँ पो के छ र !
कल्पनाभित्र, सपना देख्छु, तिमीलाई सम्झन्छु
ऐंसेलु खाई गाएको गीत सधैं नै सम्झन्छु
अन्तिम बोली, सुन्नुछ मैले, भनिदेऊ आउँदिन
गएको दिन फर्केर अब कैले पो आउँछ र !
शब्द - स्व० सन्तबीर लकान्द्री
सङ्गीत एवं गायक - श्री अशोक राई
वर्ष १६६०