छातीमा लागेको माटो त आँसुले धोई पखाल्छु
मुटुमा लागेको माटोलाई कसरी मैले पखाल्नु
जन्मिदा लागेको माटो त मरेर भोलि पखाल्छु
नजन्मी लागेको माटोलाई कसरी मैले पखाल्नु
छातीमा लगेको माटोलाई कुनैदिन आकाशले पखाल्ला
पाऊमा लागेको माटोलाई बाटोको शीतले पखाल्ला
मनमा लागेको माटोलाई कसरी मैले पखाल्नु
सबैले भन्छन माटो त देश हो गरी खानेको
कुन देश बाँकी रह्यो र खोरिया फाँडी खानेको
पसिना सरीको माटोलाई कसरी मैले पखाल्नु