देउसी

साँझको बेला – नमस्ते !
अप्ठ्यारो बाटो – फ्याफुल्ला
लड्दैपड्दै- छ्याजल्लो
आइपुग्यौं हामी- टासिदेले
कुकुर छ कि – झोर्ले
बाल्नुस् बत्ती- नमस्ते
खोइ खोइ बाजे, खोइ खोइ बजै
खोइ खोइ दाइ, खोइ खोइ भाइ
खोइ खोइ दिदी, खोइ खोइ बैनी- नमस्ते !

खोल्नुस् आँखा- ज्वजलप्पा
चल्दै नचल्नुस्- सेवारो
हेर्नुस् माथि – फ्याफुल्ला
हेर्नुस् तल- छ्याजल्लो
दायाँ हेर्नुस्- टासिदेले
बायाँ हेर्नुस्- नमस्ते

मोतिविन्दू भएको रैछ,
आँखामा जाली लागेको रैछ
अप्रेसन गर्नु पर्ने रैछ- नमस्ते!

नडराउनुस्- नमस्ते
दुख्दैन कति- झोर्ले
कमिलाले- टासिदेले
चिले जति- ज्वजलप्पा
काउकुती लाग्छ- छ्याजल्लो
अँध्यारो भाग्छ- फ्याफुल्ला

लाउनुस् चस्मा
हेर्नुस् ऐना
मुस्कुराउनुस्- नमस्ते !