Dhakarmaathi Kucho - Benup Chhetri

ढाकरमाथि एउटा कुचो नाङ्लो राखेको
मान्छेलाई पछ्याउँदै कुकुर हिँडेको
पछिल्तिर केटाकेटी रुँदै हिँडेको
बुढी आमा आँसु पुछ्दै पछि लागेको
गह्रौँ गह्रौँ पाइलाहरू अघि सरेको
हेर आज नेपाली बसाई हिँडेको

पहाडको यति मिठो पानी बिर्सिएर
जानुपर्‍यो भन्ज्याङ गर नागी बिर्सिएर
कति इच्छा होला बरै गाउँ घरमै बस्ने
बालन र संगिनीले गाउँ घन्काई बस्ने
मनका सारा इच्छा मारी उँदो लागेको
हेर आज नेपाली बसाई हिँडेको

कपास जस्तो सेतो कपाल खुम्चिएको निधार
व्यथा बोक्ने दुई आँखा दुःख लाग्दो मुहार
कुप्रिएको ढाड अनि निहुरेको शिर
सानो एउटा छाती तर हजार हजार पीर
धरखरिँदै धरखरिँदै अघि बढेको
हेर आज नेपाली बसाई हिँडेको

टुकु टुकु हिँडेका ती पहाडका मुना
पस्नुपर्‍यो बाँच्नलाई मुग्लानका कुना
तातो घामले पोलिदेला ज्यान तिनको लेला
कठैबरा बिचरा कसले भनिदेला
जन्मिएको थलोबाट मुग्लान पसेको
हेर आज नेपाली बसाई हिँडेको

Dhakaramathi euta kucho nanglo rakheko
Manchhelai pachhyaundai kukur hindeko
Pachhil tira ketaketi rundai hindeko
Budhi aama aansu puchhdai pachhi lageko
Gahrau gahrau pailaharu aghi sareko
Hera aaja nepali basai hindeko

Pahadko yati mitho paani birsiera
Janupar‍yo bhanjyang gar nagi birsiera
Kati ichchha hola barai gaaun gharamai basne
Balan ra sanginile gaaun ghankai basne
Manaka sara ichchha mari udo lageko
Hera aaja nepali basai hindeko

Kapas jasto seto kapal khumchieko nidhar
Byatha bokne dui aankha duhkha lagdo muhar
Kuprieko dhad ani nihureko shir
Sano euta chhati tara hajar hajar pir
Dharakharindai dharakharindai aghi badheko
Hera aaja nepali basai hindeko

Tuku tuku hindeka ti pahadka muna
Pasnupar‍yo banchnalai muglanaka kuna
Tato ghamle polidela jyana tinako lela
Kathaibara bichara kasle bhanidela
Janmieko thalobata muglana paseko
Hera aaja nepali basai hindeko