धेरै नजिक हुनु पर्दैन मान्छेलाई
टाढा घामले पनि पोल्न सक्छ
बोली रहन पर्दैन मुखले
आँखाले सब कुरा मनको भन्न सक्छ,
घामले पोल्न सक्छ
मान्छे सारै कमजोर हुन्छ, उसको मुटुमा तुरुन्त चोट लाग्न सक्छ
आगो र पानीले मात्र होइन मान्छेकै
तापले पनि बेहोश हुन सक्छ,
घामले पोल्न सक्छ
हेरेर होइन मान्छेले नदेख्दा पनि
आफू भित्र पाउन सक्छ
यहाँनै नपाई मान्छेलाई,
मुटु भित्र थुनेर पनि राख्न सक्छ,
घामले पोल्न सक्छ