युवती- ए कान्छा, मलाई सुनको तारा खसाईदेउन
युवक- त्यो तारा मात्र होईन, जून पनि झारिदिऊँला

युवती- गाईगोरू बाँधेर छिट्टै भेट्न आउन
बाटैमा रात पर्ला, ऊज्यालोमै आउन
युवक- अन्ध्यारो केहो र माया पिरती अघि
पर्खिदेउ म आउँछु अन्ध्यारोलाई तोडि

युवती- लौ उडि जाउँ कहाँ बादल लुछि ल्याउन
बादललाई गाँसेर आँचल बनाईदेउन
युवक- ल हुन्छ बादलको आँचल बनाईदिऊँला
छेउ-छेउमा ताराको जलप लगाईदिऊँला