हिजो आज सँधै सँधै टुक्रा टुक्रा निद्रा सुत्छु
सिङ्गो निद्रा सपनी भो टुक्रा टुक्रा निद्रा सुत्छु
जिन्दगानी एउटा शहर बन्दा बन्दै भत्किएको
जिन्दगानी एउटा रहर पुग्न नपाई मेटिएको
एउटा माया दिँदा दिँदै पोखिएको जिन्दगानी
एउटा छायाँ छाम्दाछाम्दै हराएको जिन्दगानी
जिन्दगानी खण्ड खण्ड चोइटा चोइटा बाँडिएको
जिन्दगानी सुस्त सुस्त थाहा नपाई साटिएको
किन किन अरूसँग बाँधिएको जिन्दगानी
रुँदै रुँदै कल्पी कल्पी सिद्धिएको जिन्दगानी