हो माझी दाइ. . . . .
तारी नदेऊ हे माझी दाइ
माइतीको पाप लाग्ला है
छाडी नदेउ हे माझी दाइ
मायालुको श्राप लाग्ला है

वारी मेरो माईती घर जाँहा आँखा खुल्यो
खेल्दा खेल्दै लुकामारी फूलझै योवन झुल्यो
त्यही गाउँ त्यही ठाउँ आज एक्लै पारी
जान मन छैन मलाई साथी सारा छाडी

पारी मेरो सिन्दुरको ईन्द्रेणीको देश
योवनमा लाली छर्ने मायालुको भेष
घुम्टो भित्र लुकाई राख्छु सुकुमारी संसार
पहिलै पल्ट देखुँ आफ्नै खसमको अनुहार
तारीनदेउ हे माझी दाइ . . .