Ichchha - Bhushita Vasistha

इच्छा यो छ महेश, अन्तिम जसै यो मृत्युसैया जली
मेरो रक्त सुकाउला म गरुँला अन्योल भै छट्पटी
त्यो बेला मुखमा बुटीहरु परुन् नेपालकै केवल
जे-जेमा हिमशैलको छ मधुरो मीठो चिसो चुम्बन ।

“यो नेपाल स्वतन्त्र भै फुलिरहोस्, राजाप्रजामा सधैँ
झाँगी फैलिरहोस् बढेर लहरा यै शान्ति ऐर्श्वर्यको
यो सन्देश म ब्रहृमनाल तकिया पारी पठाउँ वहाँ
साक्षी शङ्कर छन् शम्सानपछिका आशा रहेका जहाँ ।

बज्ला मन्दिरमा तथास्तु जब त्यो घण्टा दिदै उत्तर
हाँस्दै शान्त भई उही समयमा नेपाल हेरी मरुँ ।
मैरो लाश पवित्र चन्दन घसोस्, कात्रो मलाई बनोस्
नेपाली सुकुमार हातहरुले खस्रा बनेका लुगा ।

नेपाली वनका कपूर तुलसी श्रीखण्डका साथमा
प्यारो सुन्दर आर्यघाट तटको साजा चितामा जलूँ,
पाउँ बस्न मरेर आखिर गई स्वर्गीय त्यै ठाउँ
नेपालीहरु छन् मरीकन सबै जन्मिरहेका जहाँ ।

Ichchha yo chha mahesh, antim jasai yo mrityusaiya jali
Mero rakta sukaula ma garunla anyol bhai chhatpati
Tyo bela mukhma butiharu parun nepalkai kewal
Je-jema himashailko chha madhuro mitho chiso chumbana.

“yo nepal swatantra bhai phulirahos, rajaprajama sadhai
Jhangi phailirahos badhera lahara yai shanti airshwaryako
Yo sandesh ma brahrimanal takiya pari pathau waha
Sakshi shankar chhan shamsanapachhika aasha raheka jaha.

Bajla mandirma tathastu jab tyo ghanta didai uttar
Hansdai shanta bhai uhi samayama nepal heri maru.
Mairo lash pawitra chandana ghasos, katro malai banos
Nepali sukumar hatharule khasra baneka luga.

Nepali wanaka kapur tulasi shrikhandaka sathma
Pyaro sundar aaryaghat tatko saja chitama jalu,
Pau basna marera aakhir gai swargiya tyai thau
Nepaliharu chhan marikana sabai janmiraheka jaha.