कहिलेकाहीँ म हाँस्छु
धेरै बेर हाँस्छु
जो हाँसी रहेछन्
केवल उनिहरूको
उनिहरुको माझ हाँस्छु
कहिलेकाहीँ म हाँस्छु
धेरै बेर हाँस्छु

न त कहिले कसैले सोधे
न त मैले कसैलाई सुनाएँ
आफ्ना जीवनका पीडाहरूलाई
कहिले काँही रिसाउँछु
आगो भई रिसाउँछु
जो अत्याचार गरिरहेछन् केवल उनिहरु
उनिहरूसित रिसाउँछु

सँधै अपुरो भइरह्यो
अधुरो रहिरह्यो
आफ्नो जीवनका लक्ष्यहरू सारा
कहिले काँही म पिउँछु
तर धेरै पिउँछु
जो होस हराउन खोज्छन्
केवल उनिहरूसित पिउँछु

शब्दः- नीर शाह
संगीतः- सी. के. रसाइली
मूल गायनः- नारण गोपाल
पलेँटीमाः- सी.के. रसाइली