कता कता दुखी बस्छ बिरहमा घाउ
काँहा होला पीर बस्ने बेदनाका गाँउ
काँडासंगै हुर्किएको कोमल मेरो मुटु
फाटी जाला भन्ने डर जोगाई राँखु कहाँ
जताततै भरी देख्छु कता टेकुँ पाउ
आँधी हुरी बन्छ यो मन न्यानो साथ छैन
कसलाई देखाउँ जलनहरु शीत्तल हात छैन
पाईएन कतै पनी जीवन राख्ने ठाँउ
मुस्कानमा थाहा नपाई आँशु छिपे जस्तो
बहकिन्छ शुन्य मन श्राप पाए जस्तो
चारैतिर बिराना छन काहाँ साइनो लाउँ