के भनौं तिमी मेरो जीवनको मधुमास भयौ
पतझड नआइ जीवनमा मेरो जीवनको आभास भयौ
सबै भन्दछन् मेरो नजर तिम्रो आँखाको ज्योति हो
अरु भन्दछन् मेरो नजर तिम्रो साँझको लाली हो
तिमी विनाको संसार मेरो रुखोरुखो एक बगर हो
के भनौं तिमी मेरो शरदको आकाश भयौ
के भनौं...
मैले बाँचेका सारा खुसी तिम्रो खुसीको मुहान हो
मैले साँचेका सारा खुसी तिम्रो मायाको वरदान हो
लाग्छ जीवन तिमी बिना शिशिरको रात हो
के भनौं तिमी मेरो वसन्ती बतास भयौ
के भनौं...