के छ खै ! यो मायामा ?
यसको शीतल छायाँमा
निदाउँछन पीर-सुर्ता
खुसी फुल्छ आँखामा
सुन-चाँदीको होला मोल चाहनाको मूल्य हुन्न
चाहेपछि चाह्यो-चाह्यो मर्छु भन्ने डरै हुन्न
अँध्यारो नै उज्यालो भै खुल्छ दायाँबायाँमा
के छ खै ! यो मायामा ?
अग्लो-होचो होला घर भावनाको यौटै बास
मिलेपछि मनको आँखा जाँ हेरे नि लाग्छ मात
जाडो आफैँ न्यानो हुँदै सर्छ मनको पाखामा
के छ खै ! यो मायामा ?
Ke chha khai ! Yo mayama ?
Yasko shital chhayama
Nidaunchhana pira-surta
Khusi phulchha aankhama
Suna-chandiko hola mol chahanako mulya hunna
Chahepachhi chahyo-chahyo marchhu bhanne darai hunna
Andhyaro nai ujyalo bhai khulchha dayanbayama
Ke chha khai ! Yo mayama ?
Aglo-hocho hola ghar bhawanako yautai bas
Milepachhi manako aankha ja here ni lagchha mat
Jado aaphai nyano hundai sarchha manako pakhama
Ke chha khai ! Yo mayama ?