किनार भेट्न खोज्दै लहर भित्र डुबी सके
पछ्यौरीको सप्को भित्र आँशु मेरा सुकिसके
खाली खाली सिँउदो तर हृदय भित्र सिंदुर पर्यो
भावनाको चँगा किन काटिएर भुइमा झर्यो
विधवाको पोते झै रहरू टुटी सके
पछ्यौरीको सप्को भित्र आँशु मेरा सुकिसके
सूर्यमुखि फुल बनी हाँसी रहे बेग्ला बेग्लै
ज्वालामुखी बनी आज जल्दै छु म एक्लै एक्लै
उन्दा उन्दै माला मैले फुलहरु सुकिसके
पछ्यौरीको सप्को भित्र आँशु मेरा सुकिसके