म पनि त मानिसै हुँ छातीभित्र मुटु चल्छ
मलाई पनि कहिलेकाहीँ रुन हाँस्न मन लाग्छ
मलाई पनि अरूलाई झैँ माया गर्न मन लाग्छ
म पनि त मानिस हुँ.............
तिम्रो बोली सुन्दाखेरि रमाइलो लाग्छ मलाई
तिम्रो साथ तिम्रो विश्वास शहाराझै लाग्छ मलाई
तिमीले हात बढाउँदा थामिदिन मन लाग्छ
म पनि त मानिस हुँ.............
तिम्रो हाँसो तिम्रो आशु आफ्नै ठानिसके मैले
तिमीलाई जीवनभरको साथी मानिसके मैले
तिमी झुक्दा अँगालोमा बाँधिदिन मन लाग्छ
म पनि त मानिस हुँ.............
शब्दः रत्नशम्शेर थापा
सङ्गीत: प्रेम-माणिक
स्वरः माणिकरत्न