माया गर्नु पाप हो भने पूण्य के हो बुझ्न सकिन
को मानिस हो को राक्षस हो मैले कोही चिन्न सकिन

सबका आँखा सबका अनुहार निर्दोश जस्ता देखिन्छन्
सबका ईच्छा सबका समस्या आफ्नै जस्ता देखिन्छन्
सबको आँखा धोका हो भने सत्य के हो बुझ्न सकिन
को मानिस हो को राक्षस हो मैले कोही चिन्न सकिन

हर मान्छेका आँसुहरू निर्मल हुन्छन् भन्थेँ म
हर मुटुको धुकधुकीमा ईश्वर बोल्छन भन्थेँ म
सबको आँसु विष हो भने अमृत के हो बुझ्न सकिन
को मानिस हो को राक्षस हो मैले कोही चिन्न सकिन