मेरै हिमाल जस्तो हेरिरहूँ पोखरा
मेरै ताल जस्तो बगिरहूँ पोखरा
तालको छाल हो कि हिमालको घाम हो
शरदको सयपत्री कि बसन्तको याम हो
सधैँ मुस्कराई रहने आमा जस्ती पोखरा
मेरै सराङकोट जस्तो उभिरहूँ पोखरा
सेतीको गुनगुन हो कि रुपाको रङ्ग हो
वेगनासको गीत हो कि फेवाको तरङ्ग हो
मेरै माछापुछ्रे जस्तो स्वाभिमानी पोखरा
मेरै गाउँ जस्तो हेरिरहूँ मेरै पोखरा
सोरठी स्वर हो कि बालुनको कथा हो
मादलको ताल हो कि सारङ्गीको व्यथा हो
आफ्नै संस्कृतिको प्रतिबीम्ब पोखरा
मेरै सारङ्गी जस्तो बजिरहूँ पोखरा