पाइला पाइला काँढा टेकेँ र फूल भनेँ हजूरलाई
औंसी जस्तो जीवन बाँचे र जून भनेँ हजूरलाई
दु:खका असंख्य ताराहरू छन् छातीको यो आकाशमा
हुर्केका अनन्त भेलहरू छन् दुखेका यी आँखामा
दु:खका गीत मलाई भयो सुखका गीत हजूरलाई
पाइला पाइला काँढा टेकेँ…
भैगो चाहिएन मालाई रातका सुन्दर सुन्दर सपनाहरू
अधरमा भएका मुस्कानका मिठा मिठा सम्झनाहरू
उराठ बगर हुन तयार छु लहरहरू हजूरलाई
पाइला पाइला काँढा टेकेँ र फूल भनेँ हजूरलाई
औंसी जस्तो जीवन बाँचे र जून भनेँ हजूरलाई
पाइला पाइला काँढा टेकेँ...