फेदी बजार
पहाडको फेदैमा फेदी बजार
त्यही गाउँको हावा पानी खोलानाला
साथीभाइ सम्झिन्छु दिनको हजार

धेरै भयो नफर्केको आफ्नो गाउँघर
के सोच्दा हुन् घरका झ्याल ढोका कठैबर
घरको छाना हिंड्यो अरे चित्त दुखाएर
गाई भैँसी मर्‍यो अरे सबै भोकाएर
मै पापी जन्मेको फेदी बजार
त्यही गाउँको कान्ला गह्रा
हात्ती जस्ता रूखका जरा
सम्झिन्छु म दिनको हजार
सम्झिन्छु दिनको हजार
पहाडको फेदैमा फेदी बजार

मेरो गाउँको मादलुले बँसाई सर्‍यो अरे
बाटो घाटो रोगाएर सिकिस्त नै भोरे
हुर्केथ्यो नि मेरो गाउँ मलाई हुर्काएर
मैले भने मुड्नु मुडेँ उसलाई रुवाएर
मैले माया मारेको फेदी बजार
त्यही गाउँ पाटी पौवा चौतारी र ढुंगेधारा
सम्झिन्छु म दिनको हजार
सम्झिन्छु दिनको हजार
पहाडको फेदैमा फेदी बजार
त्यही गाउँको हावा पानी खोलानाला
साथीभाइ सम्झिन्छु दिनको हजार
सम्झिन्छु म दिनको हजार
सम्झिन्छु दिनको हजार