प्रतीक्षा गर मेरी मायालु
समयले मानिसलाई कहाँकहाँ पुर्याउँछ
कहिले हसाउँछ कहिले रुवाउँछ
आँसु र हाँसोको सङ्गम पनि गराउँछ
पर्खन्छन् कति आत्माहरू
मायाको धुनी बालेर
झस्कन्छन् कति सपनासँग
विपना हो कि भनेर
धैर्य गर मेरी प्रियसी
समयले मानिसलाई कहाँकहाँ पुर्याउँछ
उर्लन्छन् कति खोलाहरू
फर्किने आशा लिएर
तर्सन्छन् कति प्रेमीसँग
धोका हो कि भनेर
केही त बोल मेरी जिन्दगी
समयले मानिसलाई कहाँकहाँ पुर्याउँछ
कहिले हसाउँछ कहिले रुवाउँछ
आँसु र हाँसोको सङ्गम पनि गराउँछ