Pravasi Putra Ko Marmik Chitthi - Bhushita Vasistha

थुङ्गाबाट छुटी अचानक कुनै चर्को हुरीमा परी
सानू लाल गुलाफका कुसुमको पत्ती उडे झैं गरी ।
हुच्चीमा अरुको फँसी बहकिँदै आए ज्यादा पर
भोग्दैछू परदेशमा म जननी ! तड्पेर लाखौं पिर ।

हुर्दुङ्ग्पनमा परेर अघि नै खल्ती सबै रित्तियो
आँशूका भरमा कठै !! जठरको ज्वाला ननिभ्ने भयो ।
थाकें योग्य अनेक कामहरुको खोजी तलासी गरी
लाचारी–वश आखिरी शरण भो निर्लज्ज कुल्लीगिरि ।

यै कुल्लीगिरिमा पनी हरघडी बाधा अनेकौं थरी
मैजजस्ता हतभाग्य अन्धहरूका धक्का र धुक्की परी ।
यस्तो दुर्गतिमा परेर जननी ! शुक्ता पनी जीवन
तिम्रै पाद–सरोजका‚ स्मरणले थामीरहेछू मन ।

कुल्ली–काम गरी अटूट पसिना मैले बगाएँ जति
दन्केको जठराग्निमा बनि–शके सम्पूर्ण ती आहुति ।
आँशूमा पनि खास आहुति हुने त्यस्तै भए तागत
फर्कन्थें उहिल्यै म रेलपथको गर्दै ठुलो ‚स्वागत ।

सुन्दैछू समचार यो म जननी ! ‘सर्वत्र नेपालमा
माहेन्द्री मधुर प्रभा दिनदिनै बढ्दै छ रे हालमा’ ।
पाए खर्च तुरून्त राजपथमा आएर जुट्ने थिएँ
सच्चा राष्ट्रिय भावको जुनिभरी आनन्द लुट्ने थिएँ ।

Thungabata chhuti achanak kunai charko hurima pari
Sanu lal gulaphka kusumko patti ude jhai gari.
Huchchima aruko phansi bahakindai aae jyada par
Bhogdaichhu paradeshma ma janani ! Tadpera lakhau pir.

Hurdungpanama parera aghi nai khalti sabai rittiyo
Aanshuka bharma kathai !! Jatharko jwala nanibhne bhayo.
Thake yogya anek kaamharuko khoji talasi gari
Lachari–wash aakhiri sharan bho nirlajja kulligiri.

Yai kulligirima pani haraghadi badha anekau thari
Maijajasta hatabhagya andhaharuka dhakka ra dhukki pari.
Yasto durgatima parera janani ! Shukta pani jeevan
Timrai pada–sarojaka‚ smaranle thamirahechhu mana.

Kulli–kam gari atut pasina maile bagae jati
Dankeko jatharagnima bani–shake sampurna ti aahuti.
Aanshuma pani khas aahuti hune tyastai bhae tagat
Pharkanthe uhilyai ma relapathko gardai thulo ‚swagat.

Sundaichhu samachar yo ma janani ! ‘sarwatra nepalma
Mahendri madhur prabha dinadinai badhdai chha re halama’.
Pae kharcha turunta rajapathma aaera jutne thie
Sachcha rashtriya bhavko junibhari aananda lutne thie.