पूर्णिमाको रात पनि औंशीको झैं लाग्न थाल्यो
मेरो जीवन तिम्रो सिउँदो कुन पापीले रङ्ग्याइहाल्यो
मेरो बस्ती उजाड पार्ने कस्तो भेल आएको त्यो
तिम्रो दोष हैन सुन मेरै भूल भएकोथ्यो
झिलिमिलि दिन पनि बदलिझैं लाग्न थाल्यो
मेरो जीवन तिम्रो सिउँदो कुन पापीले रङ्ग्याइहाल्यो
एक्लै भएजस्तो लाग्छ ठूलो सहरमाझ
तिम्रो प्रेमी जिउँदै मर्यो यो संसारमा आज
सलाईको काँटीजस्तै यो अभागी जल्न थाल्यो
मेरो जीवन तिम्रो सिउँदो कुन पापीले रङ्ग्याइहाल्यो