पूर्व गए पूर्व हजुर बिदेसिको दाग लाग्छ
उत्तर दक्षिण जता गए पाहुनाको भाग लाग्छ
यो जातीको भाग्य कस्तो आफ्नो भन्ने कहि छैन
आसाम, बर्मा,भुटानबाट खेदुवाको ताँत लाग्छ

संसारभरकै युद्धमा अघि बड्ने वीर जाति
शत्रुसित लड्दा लड्दै गोली सहने निडर छाती
तरपनि आफ्नो घरको संघारसमेत पराया नाम
जहाँ गए नमेटिने बिदेशीको छाप लाग्छ

शहर नगर बसाउनमा यो जातिले ज्यान दियो
उन्नतिको मूल खोज्न यै जातिले प्राण दियो
तरपनि आफन्तको नातासम्म जोडिएन
जैले तैले इनाम स्वरुप शरणार्थिको नाम लाग्छ

संसारभरकै बिदेशि भए आफ्नो गाँउ कहाँ खोज्नु
मरिरहे अरुकै लागी आफ्नो नाउँ कहा खोज्नु
सिमानामा गस्ती होईन आफ्नो लागी बन्दुक उठाँउ
होईन भने स्वदेशमै शरणार्थीकै दाग लाग्छ