Samadama - Bhushita Vasistha

जगत छ सुखको दुःखको प्याला
खेत बनेको विश्व विशाला ।
बन्दछ सब यो मदिरापनका
जीवनभरमा सुख दुःख जुन हो ।

समदम अतस्बाजीसरिको
हुन्छ ढिलाई क्षणमा क्षण त्यो ।
जग यो भ्रम हो मन पनि भ्रम हो
डरको सुख दुःख पागलपन हो ।।

सानो उरमा भाव पिलाई
छल् छल बग्दछ मिहिन जलाई ।
पञ्चम सोरको भाषण पाई
बन्दछ कविता आँसु चुहाई ।।

सानो उरमा भाव हजारौं
ढलपल ढलपल यही विचारुँ ।
पातक मलको पानीसरिको
जीवन हाम्रो चार घडीको ।।

तेज र वायु आयो पानी
गगन पृथिवीको खेल छ जानी ।
भन्दछ विश्व जाल तूफानी
समदम प्रकृति मेलन रानि ।।

आखिर केही छैन नि जानि
सच्चा जग यो भ्रम संझन्थेँ ।
सुरपुर पनि त्यो अलग रहन्थ्यो
देह छ नम्वर प्रकृति सच्चा

Jagat chha sukhko duhkhako pyala
khet baneko wishwa wishala.
Bandachha sab yo madirapanaka
jiwanabharma sukh duhkha juna ho.

Samadam atasbajisariko
hunchha dhilai kshanma kshan tyo.
Jag yo bhram ho mana pani bhram ho
darko sukh duhkha pagalapana ho..

Sano urama bhav pilai
chhal chhal bagdachha mihina jalai.
Pancham sorko bhashan pai
bandachha kawita aansu chuhai..

Sano urama bhav hajarau
dhalapal dhalapal yahi wicharu.
Patak malko panisariko
jeevan hamro char ghadiko..

Tej ra wayu aayo paani
gagana prithiwiko khel chha jani.
Bhandachha wishwa jal tuphani
samadam prakriti melana rani..

Aakhir kehi chhaina ni jani
sachcha jag yo bhram sanjhanthe.
Surapur pani tyo alag rahanthyo
deha chha namwar prakriti sachcha