तिमी मात्र आफ्नो भयौ यति ठूलो विरानीमा
सपनीमा तिम्लाई देख्दा हात पुग्यो सिरानीमा

अधरमा मुस्कान खेल्यो मनमा खेल्यो काउकुती
बिछ्यौनामा हात फैलाई तिम्लाई खोजेँ यताउती
जस्तो सपना देखेँ मैले देख्यौं कित तिम्ले पनि
मेरै जस्तो सिरानीमा हात पुग्यो कि तिम्रो पनि
तिमी मात्र आफ्नो भयौ…

काख तिम्रो शिर मेरो कस्तो मीठो स्वाद थियो
जिन्दगीमा नभुलिने यस्तो मीठो याद थियो
तिमी हामी मरे पनि बाँची राख्छौं कहानीमा
देख्यौं भने सपनीमा हात पुगोस् सिरानीमा