उकाली चढ्दा पसिना पुछ्ने
तिमी नभए अरू को होला
मर्मलाई बुझ्ने तिमी एक मेरो
तिमी नभए अरू को होला
अरूले मलाई दुत्कारिदिँदा
मायाले मलाई छातीमा टाँस्ने
कसैले सोधे को तेरो भनी
जवाफमा तिमीबाहेक को होला
तिमी नै सोच मेरो को होला
जङ्घार तर्न हात समाउने
तिमी नै हौ त्यो अरू को होला
तिमी नभए ठूलो संसारमा
आफन्त भन्नु अरू को होला
लाञ्छना धेरै धेरैले गरे
कतिले अमृत भनी विष घोले
त्यसरी आफ्नो कोही नहुँदा
सहारा तिमी नभए को होला
संसारमा मेरो अरू को होला