Baisakh - Bhushita Vasistha

डाँडाकाँडा चहुर हरिया देखिए पालुवाले
बोकी ल्यायो बकुल वनको वास मीठो हावाले ।
डाकी मौरी मधुर रसमा लेक पाक्यो गुह्ँली
गोठालाले वनवन डुली हाल्न थल्यो सुसेली ।।

लाऊँ कानैतिर भनि टिपिन गुर्सिनीले गुराँस
नेवार्निले मधुसुमनले जेल्दिइन् केशपाश ।
भोटेनीले मगमग बुकीफूल बाँधिन तुनामा
क्वैली बोल्यो वनवन नयाँ प्रीतिको सम्झनामा ।।

आए पाखा वन चहुरमा फूल लाखौँ पलाई
को भन्देला सकल यिनको नाम मीठो मलाई ।
मेरै धौलागिरी शिखरमा छैन मैले पुगेको
नेपालीको दिल छुन अझै छैन मैले सकेको ।।

मिठो वास्ना मधुपवनमा आज आइरहेछ
यौटा थुङ्गा वनतिर कतै मुस्कुराइरहेछ ।
कोहो कोहो भनि वनवनै क्वैली गाइरहेछ
नौलो मान्छे कुसुमपाथमा हेर आइ रहेछ ।।

चौतारीमा वरपिपलको बोट नौलो लगाउँ
छाहारीको तलतिर बसी गीत यौटा म गाउँ ।
आइ कैल्यै पनि नसकिने चैतवैशाख मेरा
लाई कैल्यै पनि नसकिने प्रीति नौलाख मेरा ।।

वैली जान्छन कुसुमहरु यी जेठको घाम ओढी
क्वैली जान्छे कुन विरहमा माइती देश छोडी ।
हाँसी खेली दुइदिन्, कहाँ जान्छ यो जिन्द्गानी
को लैजाला अमरपुरमा फूलको यो जवानी ।।

बोक्रा फेरीकन समयले घाउ सारा पुरिन्छन
मौरी आइ मधुपवनमा सुन्तलामा धुरिन्छन ।
कस्तूरिले गिरिवन घुमी खोज्छ आफ्नै सुगन्ध
हुन्नन कैल्यै कुसुम वनमा प्रीतिको गीत बन्द ।।

Dandakanda chahur hariya dekhie paluwale
Boki lyayo bakul banako bas mitho hawale.
Daki mauri madhur rasma lek pakyo guhnli
Gothalale banabana duli halna thalyo suseli..

Laoo kanaitir bhani tipina gursinile guransa
Newarnile madhusumanale jeldiin keshapash.
Bhotenile magamag bukiphul bandhina tunama
Kwaili bolyo banabana naya pritiko samjhanama..

Aae pakha bana chahurma phool lakhau palai
Ko bhandela sakal yinako naam mitho malai.
Merai dhaulagiri shikharma chhaina maile pugeko
Nepaliko dil chhuna ajhai chhaina maile sakeko..

Mitho basna madhupawanama aaja aairahechha
Yauta thunga banatir katai muskurairahechha.
Koho koho bhani banabanai kwaili gairahechha
Naulo manchhe kusumpathma hera aai rahechha..

Chautarima barapipalko bot naulo lagau
Chhahariko talatir basi geet yauta ma gaaun.
Aai kailyai pani nasakine chaitabaishakh mera
Lai kailyai pani nasakine priti naulakh mera..

Baili janchhana kusumharu yi jethko gham odhi
Kwaili janchhe kuna birahama maiti desh chhodi.
Hansi kheli duidin, kaha janchha yo jindgani
Ko laijala amarapurma phoolko yo jawani..

Bokra pherikana samayale ghau sara purinchhana
Mauri aai madhupawanama suntalama dhurinchhana.
Kasturile giriwana ghumi khojchha aaphnai sugandha
Hunnana kailyai kusum banama pritiko geet banda..