यो कर्मभूमिको आँगनमा
कर्मको उदाहरण प्रस्तुत गरेर देखाऔं
यहाँको धर्ती बाँझो छैन
विकासको फूल फुलाऔं
विश्वास गर्छन् यहाँका मानिसहरू
शव्दमा होइन कर्ममा
विकासको लहर पुर्याउनु छ
सहरमा होइन गाउँमा
गाउँ गाउँमा
यो शान्ति क्षेत्रको आँगनमा
शान्तिको उदाहरण प्रस्तुत गरेर देखाऔं
यहाँको धर्ती बाँझो छैन
विकासको फूल फुलाऔं
निर्माण गर्ने अपार शक्ति छ
हामी नेपालीको पाखुरीमा
देशभक्ति दौडिरहन्छ यही रगतको थोपामा
थोपा थोपामा
यो पुण्य भूमिको आँगनमा
धर्मको उदाहरण प्रस्तुत गरेर देखाऔं
यहाँको धर्ती बाँझो छैन
विकासको फूल फुलाऔं