यो कस्तो अचानक सपना सारा तमाम भएको रात
चुपचाप सबै विश्वासहरू बदनाम भएको रात
भर्खर डुबेको घामसितै आकाश सारा डुबिगएछ
यति रमाइलो सुखको संसार थाहा नपाई उजाड भएछ
आशा टुटेर जान्छ सबै यहाँ साथ टुटेर जान्छ
हिँड्दाहिँड्दै बाटोहरू विराम भएको रात
कुन प्रातः खोजेर यहाँ कुन मन्दिरको बाटो धाउनु
मान्छेले मान्छेसँग अब कस्तो साइनो लाउनु
बलिदान भयो मानवता यहाँ छातीको अचानोमा
सब सत्यहरू मान्छेको यहाँ लिलाम भएको रात