यो मायालाई भार ठान
पैतालाको धूलो मान
तिम्रो मन तिम्रो खुशी
तिम्रो विचार
तर
हामी बिना चल्दैन है
तिम्रो संसार

आफ्नो ऋतु काल फुल्छ अजम्वरी फूल पनि
जुनै काल जुनै हाल फुल्न सक्ने फूल हामी
तिम्रो घर सजाउने बार्‍हमासे फूल हामी
सजाऊ कि किच्च्याऊ शृङ्गार कि बिगार
तिम्रो मन तिम्रो खुशी
तिम्रो विचार
तर
हामीबिना चल्दैन है
तिम्रो संसार

तिम्रो भाका तालभरी सँधै नाँचिदिने हामी
तिम्रो सुख दू:खभरी सँगै बाँचिदिने हामी

हारमा पनि
हारभारमा पनि तिम्रो घर चलाईदिने हामी
सम्हाल या लतार
अङ्गाल या पछार
तिम्रो मन तिम्रो खुशी तिम्रो विचार
तर
हामी बिना चल्दैन
तिम्रो संसार