बुट्टे रुमालमा बुट्टे रुमालमा
माया सकिएन बाँध्न बुट्टे रुमालमा
सपनीमा आई आई मन भुलाई दिन्छौ
विपनीमा नबोलेरै मुटु दुखाई दिन्छौ
खुसी खोज्दा खोज्दै डुबेँ आँसुमा
माया सकिएन बाँध्न बुट्टे रुमालमा
तिमीलाई बोलाऊँ भने जिस्काउँछ डाँडाले
टिपेर लैजाऊँ भने बिझाउँछ काँडाले
के गरूँ म परेँ दोधारमा
माया सकिएन बाँध्न बुट्टे रुमालमा
पूर्वेली हावासँगै बतासिन्छौ कहिले
पच्छिमेली घाम जस्तै हराउँछौ कहिले
कहिले चन्द्रमा झैँ टाढा गगनमा
माया सकिएन बाँध्न बुट्टे रुमालमा