दुखेको मुटुलाई छाँट्नै नमिल्ने रैछ
अरूको खुशीसँग साट्नै नमिल्ने रैछ

ओठहरू हाँस्न खोज्दा आँखाहरू रोइदिन्छन्
आफैंले आफैंलाई ढाँट्नै नमिल्ने रैछ

जहाँ चोट पर्छ त्यहाँ दुख्नु स्वाभाविकै हो
नदुख्ने गरी जीवन काट्नै नमिल्ने रैछ

एक्लो आफूमा सबै तर भीड यस्तो यहाँ
अरूलाई नकुल्चेसम्म टेक्नै नमिल्ने रैछ

वरदान पाउन सबले अरूकै बलि चढाउँछन्
रेटेर आफ्नै गर्दन पुज्नै नमिल्ने रैछ