एउटा खुल्ला किताब हुँ म
तिमीले पनि पढे हुन्छ
अरूले जस्तै पढेपछि
पन्नाहरू च्याते हुन्छ
बेमौकाको बादलसरि कतिचोटि फाटिदिएँ
जसले मलाई बुझेँ भन्थ्यो उसकै पनि उपहास पाएँ
एउटा खुल्ला चिठी हुँ म तिमीले पनि पढे हुन्छ
अरूले जस्तै पढेपछि बेकार सम्झी फाले हुन्छ
निष्ठुरीको आस्थाबाट कतिचोटि टुक्रीसकेँ
जसले मलाई सब थोक ठान्थ्यो उसकै पनि म रेत भएँ
एउटा सादा कागज हुँ म तिमीले पनि लेखे हुन्छ
अरूले जस्तै लेखेपछि अनर्थ सम्झी मेटे हुन्छ