जिन्दगीको हरेक बजारमा ठगिएको छ मान्छे
जिन्दगीको हरेक भीडमा कुल्चिएको छ मान्छे
जिन्दगी.....
मुटुमा खडेरी छोपेर सहँदै बसेको छ मान्छे
छातिमा डढेलो सल्काइ छोपि हिंडेको छ मान्छे
तै पनि आँखामा सागर लुकाइ हाँस्दो रहेछ मान्छे
तै पनि मुहारमा पीडा बोकेर रमाउँछ यहाँ मान्छे
जिन्दगीको......
बिछोडको कहानी बनेर चुपचाप रहेको छ मान्छे
अनेकौं आघात सहेर दुखिरहेको छ मान्छे
तै पनि दुइ चार खुसी समेटी नाच्दो रहेछ मान्छे
तै पनि मान्छेहरुकै किसिममा बाँच्दो रहेछ मान्छे
जिन्दगीको........