कसरी म भूलें केमा म भूलें
तिम्रो ओठमा कि मुस्कानमा केमा म भूलें
कसरी म भूलें केमा भूलें
पानी भित्र डुबी बस्छ चन्द्रमाको छाया
सपना भित्र मन भूल्छ मन भित्र माया
तिम्रो रुपमा कि रङ्गमा केमा म भूलें
कसरी म भूलें केमा भूलें
गहिराईमा सागर भूल्छ सागरमा पानी
तिमीलाई खोजी बस्छ आँखाका यी नानी
तिम्रो साथले कि बातले केमा म भूलें
कसरी म भूलें केमा भूलें
जूनलाई आकाशलाई प्यारो आकाशलाई धरा
जता जता तिमी हुन्छौ उतै हराभरा
तिम्रो प्रितले कि गीतले केमा म भूलें
कसरी म भूलें केमा भूलें