लहरे बर, घुमाउने चौतारी
बह पोख्ने ठाउँ छैन
मन बुझाउने गाउँ छैन
वैरागीको मनलाई बरिलै
हो हो वैरागीको मन बरिलै
लहरे बर, घुमाउने चौतारी
आकाशको कालो बादल मनभरि छायो
हाँस्ने खेल्ने उमेरलाई केले हो रुवायो
माइतीको आस, वनिबास, जिउको नाश बरिलै
लहरे बर, घुमाउने चौतारी
डाँडामाथि झुल्के घाम, आँखामा छ रात
आफन्तको भीड बिच कोहि छैन साथ
कहाँ हो मेरो गाउँ, कुन हो ठाउँ, केहो नाउँ बरिलै
लहरे बर, घुमाउने चौतारी...