Marna Mana Lagchha - Ganesh Rashik
मर्न मन लाग्छ - गणेश राशिक
Recorded live during 'Paleti with Ganesh Rashik - August 2006'
Lyrics
Nepali
Transliterated

मर्न मन लाग्छ मलाई कालै आउँदैन
सपनीको लौरो टेकी हिंड्नै सकिएन
चिताएको धेरै कर्म गर्न सकिएन

बलियो छँदा आमा बालाई धक्कु लगाइ हिंड्थेँ
भालू बाँसको तामासरि अकाश छेड्छु भन्थेँ
वृद्ध, रोगी, अपाङ्गलाई खिसी-ट्युरी गर्दै
म कसैको बोझ हुन्न भन्दै फूर्ति गर्थेँ
समयको फेरोलाई जित्नै सकिएन
रङ्ग रउस हाँसखेल गर्दै जीवन बुझिएन
केमा रह्यो घिट्घिटो मर्न सकिएन
मर्न मन लाग्छ मलाई कालै आउँदैन

भाग्य खोज्दै मनहरू बहकिंदो रैछ
जाँ गए नि यही पुर्पुरो अघि लाग्दो रैछ
हुनेलाई जता छोयो उतै सुखैसुख
म जस्ताको भाग्यमा नै ग्रहण लाग्दो रैछ
हिंड्दा हिंड्दै पाउ बसे आँगन भयो परदेश
क्षितिज जस्तै टाढा भए आफ्नै पहाड मधेश
के तृष्णामा अल्झी बस्यो एक मुठी यो सास
मर्न मन लाग्छ मलाई कालै आउँदैन