मेरी सिम्मा बताससँगै
उडेर जाने पो हो कि
बगेर जाने पो हो कि
मेरी सिम्मा पिखुवासँगै
पिखुवा नै उर्लेर कतै
मलाई नै छोप्ने पो हो कि
पहरा नै पैरिएर
यो संसार नै ढाक्ने पो हो कि
मेरी सिम्मा
मेरी सिम्मा हेर्दा हेर्दै
हराइ जाने पो हि कि
बिलाइ जाने पो हो कि
मेरी सिम्मा अँध्यारो सँगै
ट्याम्केमा फुलेको गुराँस
टुसारोले खाइदिन सक्छ
पुर्नेमा हाँस्ने त्यो जून
उज्यालोमा हराउन सक्छ
मेरी सिम्मा
मेरी सिम्मा जूनसँगै
अल्पेर जाने पो हो कि
झरेर जाने पो हो कि
मेरी सिम्मा गुराँससँगै
मेरी सिम्मा