फूलको डाली डाली हल्ली हल्ली
ती पातली पाइताली चाली उचाली पिहुँ पिहुँ
बनकी चरी सानी नचाऊ मलाई पनि
तिमी जस्तै छम छम
तिमीले पनि भोगकी छौ आफ्नो जिन्दगानी
देख्यौ होली मैले जस्तै सयौं घाम पानी
दुःख सुखमा रुने हाँस्ने मानिसको बानी
तिम्रो आँसु देखिन है मैले कहिल्यै पनि
विपत्तिमा पनि हाँस्ने सिकाऊ मलाई बानी
हावा जस्तै खुल्ला हुन सिकाऊ मलाई पनि
खोली जस्तै चोखी हुन सिकाऊ मलाई पनि
आफ्नै खाने आफ्नै लाउने बनाऊ मलाई पनि
प्रकृतीलाई रुप भर्ने बनाऊ मलाई पनि
नबिझाई कहीँ सबैलाई रिझाउने बानी
बनकी चरी सानी नचाऊ मलाई पनि
तिमी जस्तै छम छम