सारा तारा चुडालेर आकाश रित्तो पारी दिऊँ
यस्तो लाग्छ कहिलेकाँही आफ्नै मनलाई मारी दिऊँ

लाखौं चोटी मुटु दुख्छ एकचोटी सास फेर्दा
पापै पाप देखिइन्छ जताततै फर्की हेर्दा
कोपिलालाई कुल्चिएर बसन्तलाई भगाइ दिऊँ
यस्तो लाग्छ मानिसकै माया मोह भुलाइ दिऊँ

पुजारीको आँखा छली रुन्छ ईश्वर मन्दीरैमा
सुख शान्ति कैदी बनी कल्पी बस्छ जंजिरैमा
आगै आगो सल्काएर धर्ती बाँझो तुलाइ दिऊँ
यस्तो लाग्छ रगत जति रुँदा रुँदै बगाइ दिऊँ