जलेर खरानी भई जान्छ, जोगीले लाएको त्यो धुनी
धुनीको खरानी जस्तै हो मनुखेको यो जुनी

फूल फुले जस्तै फुलेर जोबन बिताउँ हाँसेर
मायापिरती साटेर, मनाउँ खुसी नाचेर
ल है नाना लौ आङा हातहात कुमकुम दॉजेर
ताधिङ लाऊ ना धिङ लाऊ
स्याउस्याउलाले ट्यापट्याप लाऊ... ज्यो ज्यो

रणमा परेको लाहुरे फर्केर आउँछ आउँदैन
मरेपछि मान्छेले यो चोला पाउँछ पाउँदैन
ल है च्याङ्बा लौ थेवा बारुले कम्मर भाँचेर
ताधिङ लाऊ ना धिङ लाऊ
स्याउस्याउलाले हुरहुर लाऊ... आस्याङ