हाम्रो घरबाट ट्याम्के डाँडा
आँखा अगाडि उभिएको देखिन्छ
हाम्रो घरबाट ट्याम्के डाँडा
चुलिँदै चुलिँदै आकाशलाई
छोएको देखिन्छ
एकदिन मैले ट्याम्केमा
लाली गुराँस फुलेको देखेँ
एक रात मैले त्यो गुराँसलाई
डढेलोले खाएको देखेँ
एकदिन मैले ट्याम्केलाई
ईन्द्रेणीले अंगालेको देखेँ
झरी परेको एकरात
ट्याम्के माथी माथी
चट्याङ परेको सुनेँ
त्यस्तै घाम छायामा
म हुर्के छु बढेछु म ठूलो भएछु
त्यसपछि मैले कयौं कैयौं
उकाली चढेँ ओह्राली झरेँ
लेक बेँसी बनकुहिरो भञ्ज्याङ नाघेँ
उकाली चढेँ ओह्राली झरेँ
आज मेरो घर मदेखि
टाढा छ धेरै टाढा
आज मेरा ट्याम्के मदेखि
टाढा छ धेरै टाढा
उमेरजत्तिकै टाढा
मेरो आधा जीवनजत्तिकै टाढा
धेरै टाढा, टाढा